TACLOBAN CITY – Naugbaw ha sunog an sobra 100 nga mga kabablayan han Brgy. Carmen, Calbayog City.
Subay hiton mga residente han nasabi nga barangay in nagtikang an sunog mga pasado alas-2 han maagahon ha Purok 3 hiton barangay,
dugang pa han mga nakasaksi, ha usa nga boarding house nga balay nagtikang an sunog.
Sumala kan FSInsp. Victor Ygbuhay, City Fire Marshall hiton Calbayog City Fire Station, nagin makuri an pagsulod han mga fire truck mahitungod nga labot han nga makipot iton karsada in mayda gihapon ine mga nagpakaparada nga mga sarakyan ngan iba pa nga mga gamit ha karsada nga pasulod han lugar kun diin mapwesto an mga fire truck.
Mahitungod nga himo ha mga light materials an mga kabablayan in madagmit nga nagsarang an kalayo.
Mayda naman mga residente an waray makagsalbar han ira mga gamit mahitungod nga nangangaturog na an mga ine han manabo an sunog samtang an iba naman in nakakuha pa han ira mga gamit ngan temporaryo la anay nga pumwesto ha parte han Brgy. Payahan Calbayog City.
Nagresponde gihapon ha nasabi nga sunog an bombero tikang ha bungto han Sta. Margarita, Gandara, San Jorge, ngan Allen ha Northern Samar.
Waray naman nahipatik nga nasamaran o casualties ha nahitabo nga sunog.
