TACLOBAN CITY — Nakaeksperyensya hin 12 ka oras nga blackout an haros katunga nga parte han rehiyon kakulop nga adlaw tungod han padayon nga restoration han mga power lines nga nagkaguguba dida han paglasurbo ni Supertyphoon Yolanda dida han tuig 2013.
An bugos nga isla han Samar ngan pira nga parte han Leyte, upod na an regional capital, in naka eksperyensya hin blackout tikang hit 5:00 hit aga ngada 6:00 hit gabi basar na notice nga ginisyu han National Grid Corp. of the Philippines (NGCP) pero ini in dayon nga nakabalik ha 3 han kulop.
Pira ha mga naapektaran han power outage an 349,609 households ngan business establishments ha Samar, Northern Samar, Eastern samar ngan pira nga parte han Norte nga parte han Leyte.
An mao nga aktibidad in upod an pagbalhin ngan pagbalyo han mga linya tikang ha temporaryo nga structures pakadto ha permamente nga mga tower, usa nga mahor nga proyekto matima nga maigo an NGCP’s transmission infrastructure dida han bagyong Yolanda.
