TACLOBAN CITY – Ginpahayag han Commission on Population (POPCOM) nga samtang nag titikahamubo an kaso han teenage pregnancy ha iba nga rehiyon han nasud, kabaliktaran liwat an natatabo ha Rehiyon 8 kun diin mas humataas pa lugod an ihap hini.
Sumala kan POPCOM Regional Director Elnora Pulma, nga tungod hini in padayon an ira ginbubuhat nga kampanya han Commission on Population (POPCOM) ala kontra han padayon nga paghitaas han ihap han teenage pregnancy ha bug-os nga Sinirangan Bisayas.
Pinaagi han Family Planning Caravan ha ilarom han Philippine Management Program, diri la impormasyon ngan family planning services an ira naihahatag ha mga magtiayon kundi pati na gihapon ha mga teenager para han HIV-AIDS.
Base gihapon ha datus han Department of Health (DOH), maabot ha 6.9 percent han mga kabataan o adolescents ha rehiyon an sayo nga naburod kun diin pinakabata hini in 10 anyos an pangidaron.
Ini naman an naging kawsa han pagpasar han resolusyon ha Regional Development Council (RDC) para ha tanan nga mga state universities ngan iba pa nga mga eskwelahan nga magdumara hin pag-istudyo bahin ha teenage pregnancy.
