TACLOBAN CITY – Nakaghakot hin magkadurudilain nga pagkilala an mga eskwelahan ha Sinirangan Bisayas nga umatender ngan nagpartisipar ha gindumara nga National School Press Conference.
Sumala kan Jasmin Francisco Calzita, Information Officer han Department of Education Regional Office Vlll, nga iginkakalipay hiton buhatan han DepEd 8 an nagin resulta ha nasabi nga aktibidad.
Nakuha an siyahan nga pwesto para han school paper category han Science & Technology Section, The Science Net, Philippine Science High School, Eastern Visayas Campus. Leyte Division.
Samtang, aada naman ha ika-duha nga pwesto an Pahinang Lathalain, Ang Sinag, Eastern Samar National Comprehesive High School, Borongan City Division.
Yana naman nga adlaw Hulyo 12, 2024 pagdudumaraon an Closing Program han NSPC kun diin, ipapagawas an pankabug-usan nga makakarawat nga pagkilala han mga eskwelahan nga tikang ha magkadurudilain nga rehiyon ha nasud nga nagpartisipar han mao nga conference.
An National Schools Press Conference in an pinakahitaas nga kompetisyon kasumpay hiton journalism, para ha pribado ngan panpubliko nga elementarya ngan sekondarya nga ekswelahan ha Pilipinas. An nasabi nga aktibidad naman in nag-iiha hin 3 ngada 5 kaadlaw.
