Gin basol ni Deputy Spokesperson han Chinese Embassy Guo Wei hi Jay Tarriela ngan iba pa nga opisyal ha pagduro han relasyon han Pilipinas ngan China.
Sumala kan Guo, adlaw-adlaw nagpapasarang hin buwa ngan kasina hi Tarriela nga nakakaapekto ha sumpayan han duha nga nasud.
“If there weren’t people like Jay Taliella who lies, sows discord, and incites hatred every day, China-Philippine relations would be much better,” pahayag ni Guo.
Ginbuhat hini an nasabi nga pahayag kadungan han pagselebrar han Pilipinas ha ika-10 nga anibersaryo han desisyon han Permanent Court of Arbitration kasumpay ha West Philippine Sea.
Ha nasabi nga desisyon, iginbasura han tribunal an nine-dash line claim han China ngan ginkilala an katungod han Pilipinas ha sulod han 200-nautical-mile Exclusive Economic Zone.
Kumo baton, ginmalatumat ni Tarriela nga kun magsusunod la an China ha international law ngan ig-uundang an panha-harass ha mga paru-pangisda nga Pilipinas ngan mga barko han PCG ngan BFAR, mas magigin hapsay an relasyon han duha nga nasud.
Dugang pa hini, an tinuod nga solusyon in an pagtalikod han China ha ilegal nga claim hini ngan an pagrespeto ha katungod han Pilipinas ha kadagatan.
“If China would simply adhere to international law — stop harassing ordinary Filipino fishermen, stop harassing PCG and BFAR vessels, stop destroying the marine environment through reclamation, and abandon its illegal claim over nearly the entire South China Sea — Philippines-China relations would be in a far better place,” sumala kan Tarriela.
