TACLOBAN CITY – Nakaghipatik hin 4% nga inflation rate an Sinirangan Bisayas para han bulan han Hunyo 2024 nga kun diin, ika lima liwat ini ha mga rehiyon han bug-os nga Pilipinas nga mayda naman pinakahabubo nga inflation rate nga nahipatik.
Ha datos naman han Philippine Statistics Authority Eastern Visayas, bisan man nga usa an rehiyon ha mayda pinakahabubo nga inflation rate, in humitaas naman ini tikang ha 3.6% han Mayo 2024 ngan 3.3% naman dida han Hunyo 2023.
Sumala ha PSA nga an major contributors han regional inflation rate in food and non-alcoholic beverages nga mayda 80.4 percent share o 3.22 percentage points; restaurants and accommodation services ha 4.2 percent share o 0.17 percentage point; ngan furnishings, household equipment, and routine household maintenance nga aada ha 3.8 percent share o 0.15 percentage point.
Kalakip naman ha mga probinsya ha rehiyon nga nakaghipatik hin hitaas nga Inflation Rate in an Samar ha 5.5%, Biliran nga mayda 4.9%, Southern Leyte nga mayda 4.4%, Leyte nga mayda 3.9%, Tacloban City nga mayda 3.6%, Eastern Samar nga mayda 3.0% ngan an pinakahabubo naman in an Northern Samar ha 2.7%.
