TACLOBAN CITY – Patay an usa nga senior citizen, mahuman ine nga maghikog ha sulod han ira panimalay ha Brgy. Balocawehay Abuyog, Leyte.
Ginkilala an biktima kan Jovencio Mercado Sasing, 63-anyos ngan residente han nasabi nga lugar.
Sumala PMaj. Luis Hatton, Chief of Police Abuyog Municipal Police Station, nga an biktima in nakit-an nala han iya amyaw nga nakabitay ngan waray na kinabuhi.
Subay ha gindumara nga imbestigasyon han kapulisan, gumamit an biktima hin nylon nga higot agud nga utasan an iya kalugaringon nga kinabuhi.
Dugang pa han mao nga opisyal, nga subay ha ira nakuha nga impormasyon ha pamilya han biktima ine in gintutuohan nga mayda ginpapag-agian nga depression.
Waray naman may nahikit-an nga foul play an mga kapulisan ha nasabi nga panhitabo.
