Gindayaw ni Senador Francis ”Kiko” Pangilinan an Executive Order (EO) No. 100 ngan 101 nga ginpirmahan ni Presidente Ferdinand Marcos Jr., nga tinawag hine nga “dako nga kadaugan” para ha mga parag-uma ngan sektor han agrikultura.
An EO No, 100 manggud in nagtutudlok han floor price para ha humay agud proteheran an mga parag-uma tikang ha pag-ubos han presyo ha farmgate.
Samtang, EO No, 101 naman in nagmamando han pagpapatuman han Sagip Saka Act (RA 11321), nga naghahatag hin dalan ha gobyerno ngan mga Local Government Units nga pumalit hin produkto direkta tikang ha mga parag-uma ngan paru-pangisda hin waray public bidding.
Dugang pa ni Pangilinan, an nasabi nga mga pitad in kaupod han pagbabawal ha pag-angkat hin bugas, nga panuyo nga pakusgon an sektor han agrikultura ngan ighitaas an kita han mga parag-uma.
Kinahanglan daw gihapon igpadayon han nasud an bug-os nga suporta ha agri-value chain, kontra ha korapsyon ngan mga pan-aabuso, ngan igpatuman an transparency ngan good governance.
