Iginduon ni Senator Rodante Marcoleta nga na-misinterpret an iya pahayag kasumpay ha Kalayaan Island Group nga Exclusive Economic Zone han nasud.
Gin klaro hine nga an iya ginyakan nga “give up” in an mapping o pagbug-os han mapa, ngan dire ha aktwal nga panag-iya han mga isla.
Dugang pa, panuyo la hine nga magkamay-ada hin legal nga basaranan ha pagde-deklara han West Philippine Sea.
Gin sukna gihapon ni Marcoleta an iya mga kritiko nga nag-aakusa ha iya hin pagigin traydor, ngan gintagan-duon nga an tinuod nga traydor in adton dire nag-eeksplikar ha claims han Pilipinas.
Samtang, plano han mga residente han Kalayaan Island Group nga magsalawad hin resolusyon ha Sanggunian Pambayan ha Palawan agud tanggalon ha rekord han Senado an pahayag ni Marcoleta.
Sumala kan Vice Mayor MP Albayda, duro hira nga nasakitan ha ginpahayag han senador labi na nga ira mga residente in nag-aantos hin damo nga sakripisyo agud mapabilin ha ira mga isla.
