NATIONAL – Gin prubaran ni Senator Ronald “Bato” dela Rosa nga mag-disguise han pumakadto ine ha Bicol.
Sugadman, ginmalatumat han senador nga dire maobra ha iya an pagdi-disguise mahitungod nga mayda la gihapon makakakilala haiya.
Subay ha istorya han senador, ginprubaran la hine nga magdisguise kun diin humaw-as hine han sarakyan para pumalit hin maiinom ha usa nga convenience store.
Dinhi in nagsul-ot ine hin jacket, kalo, ngan face mask pero ha ligid han karsada in nakilala la gihapon hiya han usa nga tindera nga nagtitinda hin kamote ha ligid han dalan.
Ginmalatumat ni dela Rosa nga napiritan lugod hiya nga pumalit han tinda nga kamote han tindera han yaknan hiya nga kilala hiya hine.
Manunumduman nga syahan nga ginpahayag hi dela Rosa nga ginkokonsidera niya nga magtago ngan dire hiya magpapaaresto ha International Criminal Court (ICC).
