NATIONAL – Ginkumpirma han Ninoy Aquino International Airport (NAIA) nga tikang yana, diri na tutugotan an mga airport security personnel nga kumapot hin pasaporte an mga pasahero ha pagsulod ha terminal han airport.
Sumala han NAIA, an bag-o nga kamanduan in amo an kabahin han mga pitad agud maproteheran an mga dokumento han pasaheros ngan malikayan an pag-contact.
Ini nga pagbag-o ha polisiya in kasunod han mga report kabahin han mga pasaporte nga nagkaruruba ngan dire pagtugot nga makasakay ha eroplano.
Ini in naimbestigaran na han Department of Transportation (DOTr) ngan han Civil Aeronautics Board (CAB) an mga reklamo, lakip na an kaso han usa ka pasahero nga nagmalatumat nga waray pasakya han Cebu Pacific an iya tatay ha flight pa-Bali, Indonesia han Abril 15 mahitungod han mga gisi-gisi ha pasaporte.
Una na nga ginmalatumat ni DOTr Secretary Vince Dizon, nga ginre-review na nira an mga CCTV agud matudlok kun may responsabilidad an airline.
