NATIONAL – Gin pahayag han Department of Information and Communications Technology (DICT) nga plano nira nga tagan hin atensyon an sarang-sarang nga mga government websites ha nasud.
Karuyag daw han nasabi nga buhatan nga ine in masolusyon ngan maayad agud dire na pumakadto an publiko ha magkaduru-dilain nga lugar kun diin aadto an mga pasilidad o opisina han gobyerno.
Sumala kan Undersecretary David Almirol Jr. han Department of Information and Communications Technology, ada ha sobra 1,000 government services pati mga mobile application hine an nagsasarang sanglit an pagproseso ha mga kinahanglanon nga dokumento in mas nag iiha pa.
Duon pa hine, mahitungod ha pagkakaburublag han mga sistema nga gamit han magkaduru-dilain nga ahensya han gobyerno, an usa nga indibidwal nga nag-aasikado han iya mga aplikasyon in pauru-utro pa nga nagre-register ha kada dokumento nga kinahanglan hine.
Sanglit, iginsuhestyon han nasabi nga undersecretary nga gumamit han ira ginlunsar nga eGov PH mobile application para ha mas madagmit nga pagproseso ha mga ginlalakat nga papeles o anuman nga aplikasyon.
Dugang pa, iginparayaw gihapon ni Undersecretary David Almirol Jr. nga mahitungod ha panibag-o nga feature han eGov PH app, an sobra 1,000 nga government sites in ira na gihapon igin upod hine.
