NATIONAL – Kumpyansa hi Leyte 1st District Rep. Ferdinand Martin G. Romualdez nga ga ika-upat nga State of the Nation Address (SONA) in igpapahayag ni Presidente Ferdinand Marcos Jr. an pagduso hine han inklusibo nga pag-ursa ngan usa nga pagmamangulo nga nabaton ha panginahanglan han mga Pilipino.
Igin parayaw ni Romualdez an mga nakab-ot han Presidente ha ilarom han iya madig-on ngan maluluy-on nga pagmamangulo.
Kumo presidente han Lakas-Christian Muslim Democrats (CMD), ginmalatumat ni Romualdez nga an SONA in usa nga higayon agud mas padig-unon pa an pag-ursa han nasud samtang dungan nga ginbabaton an mga problema han mga residente han nasud.
Sumala kan Romualdez, an SONA yana nga tuig in usa nga higayon agud igduso an mga nakab-ot han nasud ngan maglatag hin klaro, makatawo, ngan panmaihaan nga agenda nga nabaton ha tinuod nga panginahanglan han mga Pilipino.
Dugang pa hine, magpapabilin nga tangkod an Kamara ha pagsuporta ha mga prayoridad han Presidente pinaagi han mga balaod nga mayda konkreto nga benepisyon para ha mga molupyo.
