-- Advertisements --
ENTERTAINMENT – Nagin emosyonal hi Rochelle Pangilinan han karawaton niya an pagkilala kumo Best Supporting Actress ha Cinemalaya 2025 para ha iya pag-role nga Child No. 82 —an iya debut ha independent film scene.
Ha Instagram post, ginpasamwak ni Rochelle an iya tropeo ngan nagpasalamat hiya ha iya mga taga suporta.
Sumala ha iya nga diri hiya makatoo tubtob yana ha award nga iya nakuha.
Dako gihapon iton pasalamat ni Rochelle ha iya pamilya labi na ha iya bana nga hi Arthur Solinap ngan an iya anak nga hi Shiloh.
Labot la ha pag-arte, aktibo gihapon hiya ha pagsayaw ngan yana in nag-aandam na para ha SexBomb Girls reunion concert nga matatabo yana nga Disyembre.
