TACLOBAN CITY – Padayon pa nga ginpapamulat han lokal nga pangobyernuhan han Dulag Leyte an resulta han gindumara nga laboratory test han blood samples han mga baboy nga nagkamatay tikang ha upat nga barangay ha mao nga bungto.
Sumala kan Franklin Diongson, Municipal Agriculture Officer han Dulag, Leyte, ha pagkayana an Brgy. Combis pala an apektado han african swine fever mahuman nga magpositibo ha gindumara nga PCR diagnostic test an baboy nga namatay ha mao nga barangay.
Naglalaum naman ini nga dire na madudugngan ASF-affected barangay ha ira bungto ngan dire magpopositibo ha gindudumara nga laboratory test han Bureau of Animal Industry (BAI) an mga baboy nga nagkamatay tikang naman ha upat pa nga barangay.
Mahibabaruan nga ha pagkayana in maabot na ha 179 nga mga baboy ha Dulag Leyte an gindepopulate o ginpailarom ha culling tikang han pagkakumpirma han syahan nga kaso han ASF ha mao nga bungto.
