TACLOBAN CITY – Naugbaw an usa nga residential house, mahuman ine nga masunog ha Brgy. Guinarona, Dagami, Leyte
Gintatag-iyahan ine ni Teodoro Potaso, ngan residente han mao nga lugar.
Sumala kan FO1. Argel Garcela, Duty Investigator / Operation Clerk Dagami Municipal Fire Station, hapagkayana an ira insiyal nga imbestigasyon nga nagtikang an kalayo ha tindahan han umangkon han tag-ada han mao nga balay.
Ginbabana-bana naman nga maabot ha Php 90K an ginbayaan nga danyos, ngan kun diin gindeklara ine nga totally burned.
Himo naman ha light materials an 60% han mao nga balay sanglit nga dayon ine nga nasunog.
Usa naman ha mga ginkikita nga hinungdan han mga otoridad in an linya hiton kuryente.
Waray naman may nasamaran o casualties ha mao nga panhitabo.
Hapagkayana, padayon pa an gindudumara nga imbestigasyon han mga otoridad kun anu an tinuod nga rason han nasabi nga sunog.
