NATIONAL – Dire malikayan ni Davao Rep. Paolo Duterte nga mag gawas han iya pagkadismaya kasumpay ha pag-larga han impeachment case kontra ha iya bugto nga hi Vice President Sara Duterte ha Kamara.
Sumala ha mambabalaud, iya ginkakadismaya an mga political motives han mga nagduduso nga ig-impeach an bise presidente.
An malisyoso nga pagmanipula han pira nga mambabalaud, nga ginapapamunuan ni Rep. Janette Garin, in agud dayon makakuha hin mga pirma ngan an dayon nga pag-apurba ngan pagbuhat hin mga waray basaran nga kaso han impeachment in usa nga klaro nga akto hiton political persecution.
Doon niya, nga an presente nga administrasyon an nagbubuhat hin delekado nga pitad.
Sumala pa hini nga kun waray hira kabantad ha sobra usa ka milyon nga taga-suporta han Iglesia ni Cristo nga nagrally, an presente nga administrasyon in pakadto ha mas dako nga problema.
Samtang, humirit pa hi Rep. Duterte hin pahayag nga an pan-aabuso ha gahum han presente nga nanlilingkod in dire maghuhuman nga may kahimyang.
“This is not just about VP Sara Duterte—this is about the will of the Filipino people. The growing discontent and frustration across the country will not be contained for long. Mark my words: this reckless abuse of power will not end in their favor,” pahayag pa ni Duterte.
