-- Advertisements --
TACLOBAN CITY – Nagpapadayon an gindudumara nga renewal han mga permits ngan licenses dinhe ha syudad han Tacloban.
Sumala kan Gemmafiel Gaspay, Head hiton Business Permit and Licensing Division han Tacloban City, yana nga syahan nga semana in dire pa gud sugad kadamo an mga nangunguha han permits pero ginlalauman nga madamo pa an mga ine pag-abot hiton masunod nga mga adlaw.
Dugang pa hine, nga mayda hira ginpanbutang nga mga satellite offices kun diin pwede gihapon didto magparenew an mga business owners.
Gin-aghat naman hine an mga makuha hin permit, nga kumuha hin timprano agud dire maabtan han cut off ngan dire makagbayad hin penalidad.
