TACLOBAN CITY- Patay an usa nga PWD, mahuman ine nga maghikog han iya kalugaringon ha sulod han ira panimalay ha Purok Sampalok Brgy. San Vicente Malitbog Southern Leyte.
Ginkilala an biktima kan Lito – Lumakang Seskon, 58 anyos an pangidaron ngan usa nga paraghimo hiton fishing net, sugadman residente han mao nga lugar.
Sumala kan PSMG. Noli Garcis Cabarobia, Duty Investigator han Malitbog Southern Leyte Municipal Police Station, subay ha ira gindumara nga imbestigayon nga an amyaw han biktima an naka-kita ha iya nga nakabitay na ha sulod han ira panimalay ngan waray na kinabuhi.
Mababaruan nga humuram hin posporo an biktima ha ira amyaw,matungod nga magluluto daw ine, ngan han aaruon na unta balik han tag-iya an posporo didto nahibaruan han mga ine nga naghikog na ngayan an biktima gamit an nylon.
Ginhihingita naman nga rason han mga otoridad nga nakaka-abat hin depresyon an biktima, matungod nga nag-uusahan la ha iya pagkinabuhi, ngan sugadman ha iya panimalay.
Waray naman may nakikita nga foul play an mga kapulisan kasumpay ha mao nga pagpakamatay.
