TACLOBAN CITY – Patay an usa nga pulis mahuman nga pagpamumusilon ha gawas han usa nga tindahan ha Ormoc City.
Ginkilala an biktima nga hi Pol.Corp.Raffy Pepito,38 anyos an pangidaron, residente han Brgy.Libertad,Ormoc City ngan presente nga nakadestino ha Silago PNP.
Subay ha imbestigasyon, nga napalit ha tindahan an biktima han mayda tigda nga umukoy nga sarakyan tungod hine kun diin mayda lumusad nga lalaki ngan dayon naman ine ginpauranan hin bala.
Sumala kan Pol.Lt.Rodulfo Merculita han Ormoc PNP, dire naman gintatangal an angulo nga mayda kalabutan ha trabaho an pagpataya ha biktima.
Mababaruan nga una na nga nadestino hi Pepito ha Ormoc PNP pero nabalhin ine ngadto ha Silago ha Southern,Leyte.
Padayon naman an gindudumara nga imbestigasyon han mga kapulisan agud nga masabtan an motibo ngan an nagpapaluyo han mao nga insedente.
