TACLOBAN CITY – Kumpirmado nga nagpakamatay an pulis nga nakit-an ha Brgy. 77, syudad han Tacloban kanina han aga.
Ginkilala an biktima nga hi SPO4 Denniz Diaz, 47 anyos an pangidaron ngan Deputy Officer han San Isidro, Leyte MPS.
Sumala kan Police Inspector Alex Echon, Head han Station 1 han Tacloban City Police Office (TCPO), nga nakita ha CCTV footage nga ginpusil ni SPO4 Diaz an iya kalugaringon ha ulo rason naman han dayon nga kamatayon hini.
Narekober an basiyo han kalibre 9mm tikang ha lugar kun diin nanabo an mao nga insidente.
An pusil naman nga ginamit han mao nga pulis in ginkuha hin usa nga tawo nga umagi mahuman nga manabo an mao nga insidente pero ha pagkayana in narekober na an mao nga pusil.
Samtang, sumala pa ha imbestigasyon nga personal nga rason an ginhihingita nga hinungdan han mao nga panhitabo.
