TACLOBAN CITY – Gin-aaghat an ngatanan nga mga indibidwal ngan bug-os nga komunidad nga makiparte han pag-obserbar han Earth Hour niyan nga gab-i.
Sumala kan Prof. Maria Elvera Marteja, han Natural Science Dept. Faculty han Eastern Visayas State University ha Tacloban, dako an maibubulig han ngatanan ha pagparong han mga suga ngan kuryente tikang niyan nga alas 8:30 tubtob alas 9:30 hiton gab-i kaparte han pagsalin-urog han Earth Hour yana nga tuig.
Dugang pa hini nga an usa kaoras nga pagparong han suga ngan kuryente in dako nga kontirbusyon ha pagreduce o pag-iban han energy emission nga nakakadaot ha aton atmosphere o ha aton kalibutan.
Nahibaruan nga an mao nga panawagan han World Wildlife Fund for Nature (WWF) kinada tuig han Earth Hour in nagtikang ngada pa han tuig 2008.
