TACLOBAN CITY – Mahugot nga gintutukan han probinsiya han Eastern Samar an ginbubuhat nga contact tracing mga direkta nga contact han mga nagpositibo han COVID-19.
Ine in mahuman han tigda nga paglubo han kaso han COVID-19 ha mao nga probinsiya.
Sumala kan Gov.Ben Evardone han Eastern Samar,nga nagpapabilin daw ha mga isolation facility an mga nagpopositibo ngan mahugot an ira panbiling ha mga nakahibalag hine.
Ginkukurian la naman hira pagdumara hn contact tracing ha mga bungto han Hernani,Giporlos,Salcedo,General McArthur,Mercedes ngan Guiuan nga ginkokonsidera nga hatas an risgo matungod nga mayda ine mga direkta nga contact ha iba nga mga lugar.
Dugang pa hine nga ginkalasan na daw la hira ha tigda nga paglobo han kaso han COVID-19 ha ira probinsiya.
