TACLOBAN CITY– Naghatag hin kabatunan an buhatan hiton Prime Water Leyte Metro, ha mga mapakiana han publiko kasumpay ha nagin paghitaas han sukot han tubig, ine in matungod ha nagpapadayon nga naabat nga inflation.
Sumala pa kan John Paul Go, Information Officer han Prime Water Leyte Metro, nga kun maoobserbaran una na nga nagkamayda hin increase han presyo hiton produkto an pira nga mga panguna nga papliton sugad hiton lana, pagkaon ngan kuryente.
Dugang pa ni Go, nga ine na an higayon nga magpatuman hin adjustment matungod nga an iba nga pangunahaon nga produkto in namag- increase na an kabaraydan.
Gintagan hin duon han mao nga opisyal nga dire ine natatawag nga increase lugod ine la in adjustment matungod nga dire paprehos an kabaraydan han kada-konsumidor.
Ginpaangbit pa hine nga epektibo na yana nga bulan hiton Mayo, an nasabi nga adjustment han metro hiton tubig.
