-- Advertisements --
TACLOBAN CITY– Maabot ha P34.50 an presyo hiton lugit hapagkayana, subay ine ha Philippine Coconut Authority Region 8, samtang ada naman ha P24.00 iton ira farmgate price.
Sumala kan Joel Pilapil, Regional Manager Philippine Coconut Authority 8, nga ine nga pamresyuhan average matungod nga dinhe ha Leyte an may hitaas nga presyo kun diin naabot ine hin P35.50 an presyo hiton lugit, kumpara ha iba nga probinsya nga ada la ha P34.50 an presyo hine.
Dugang pa ni Pilapil, nakadepende mangud ine ha distansya, ngan mga logistics han nasabi nga produkto.
Mababaruan, nga napabilin an nasabi nga pamresyuhan han lugit tikang han Enero kutob yana nga bulan hiton Mayo 2024.
