-- Advertisements --
NATIONAL – Abri naman hi Presidente Ferdinand Marcos Jr. ha mga suhestyon o diskusyon para ha posibilidad han utro nga pag-api han Pilipinas ha Rome Statute.
Baton ine ni Palace Press Officer Usec. Claire Castro, kasunod han panawagan han UN Rapporteur ha Philippine government nga ig-ratify an international human rights treaties magin an pagigin kaparte hine hadto ha Rome Statute.
Ginmalatumat han opisyal nga makalilipay nga napapansin ha international level an ginhihimo han Marcos administration para ha pagpapahugot han katungod-pantawo ngan pagduduso han freedom of expression ha nasud.
Bisan man daw kun maupay an suhestyon in kinahanglan la gihapon ine nga adman ni Presidente Marcos.
