TACLOBAN CITY- Nakatalaan nga magdumara hin regionwide mobilization an pira nga grupo hin katawhan ha nagtitikaharani nga pagtigaman han Supertyphoon Yolanda ha tiarabaot nga Nobyembre 8.
Sumala kan Joshua Sagdullas, tagapagyakan Bayan Sinirangan Bisayas nga padayon nira nga kakab-uton an hustisya may kalabutan daw han kapabayaan han Aquino administration mahuman nga nagbilin hin dako nga danyos ngan yinukot-yukot nga kinabuhi nga nagkawara kumo resulta ha paglasubro han Bagyong Yolanda.
Dugang pa ni Sagdullas nga susukton guihapon nira hi Presidente Rodrigo Roa Duterte mahitungod nga guti la an nakatagamtam nga Yolanda survivors han guinpangunahan nga housing project han National Housing Authority (NHA).
Manunumduman nga bumisita hi Presidente Duterte dida han nakalabay nga tuig 2016 kun diin nagpahayag ini hin patapod ha mga nabiktima han Supertyphoon Yolanda.
An kaparte han pamahayag ni Joshua Sagdullas, tagapagyakan Bayan Sinirangan Bisayas
Samtang, waray pa naman guintaltag han mao nga grupo an pipira han ira nakahilira nga mga aktibidadis para ha nagtitikaharani nga Nobyembre 8.
