TACLOBAN CITY – Guinduon han pira na kasundaluhan na diri gud mawawara an presensya han New People’s Army ( NPA) ha bisan diin na parte han Sinirangan Bisayas.
Sumala kan Lt. Col. Danilo Dupiag, Commander han 78th IB na bisan pa man na tabugon an mga NPA tikang ha usa na lugar in posible la guihapon na bumalik mahitungod nga NO PERMANENT ADDRESS an mga ini.
Manunumduman nga nagka engkwentro kakulop han aga an mga miyembro han New People’s Army (NPA) ngan kasundaluhan ha Baranggay Talisay, Albuera, Leyte.
Una hini, guinamalatumat ni Col. Dupiag na nakarawat hira hin tawag tikang ha residente han mao na lugar kun diin nagkukuta an mga rebelde nga grupo.
Dagmit na nagdumara hin operasyon an mga kasundaluhan nga nagresulta naman hin 15 minutos na pagpinusilay ha magkaluyo na grupo kun diin waray naman nahipatik nga namatay.
Samtang, guindayaw naman han mao na opisyal an publiko nga hul-os nga nakikigsumpayan ha ira kun may nakikit an na mga katawhan na dudable an mga panggios.
