TACLOBAN CITY– Gintikangan na an pira nga mga aktibidadis kasumpay han pagsalin-urog han kapatrunan hiton syudad.
Sumala kan Malu Tabao, Head han City Tourism Office han Tacloban, nga pagdudumaraon yana nga Hunyo 15, an prelimenaries ngan talent competition para ha Miss Tacloban, ha usa nga mall nga nahihimutang ha New Bus Terminal Abucay, ngan pagdudumaraon naman an coronation ha Astrodome Convention Center ha Hunyo 21, 2024.
Dugang pa ni Tabao, nga magkakamayda gihapon hin lain la nga aktibidad an mga contestant ha Miss Tacloban ha ira mga sponsor.
Manunumduman han nakalabay nga Sabado han kulop in nagkamayda hin motorcade an nasabi nga mga kandidata, ngan kahuman in dumiretso an mga ine ha Leyte Park, kun diin personal nga nagpapakilala an mga ine.
