NATIONAL – Nanawagan an poll watchdog nga Parish Pastoral Council for Responsible Voting (PPCRV) para ha mas damo pa nga volunteers agud bumulig ha pag-audit han election returns agud masiguro an transparency ha resulta han kahuhuman pala nga 2025 midterm elections.
Gintagan-duon ni PPCRV spokesperson Ana Singson nga an vote counts an pinaka-bulnerable ha manipulasuon durante han transmisyon han mga ine ha servers sanglit importante daw an manual checking agud maberipika kun tugma an tallies ha transmitted results online ngan ha physical election returns.
Ginbuhat gihapon han PPCRV official an panawagan kadungan han pag-abot han mas damo pa nga ERs.
Ha presente, nakakarawat an poll watchdog hin 11,860 ERs, 12.71% han kabug-usan nga ERs ha bug-os nga nasud.
Sumala kan Singson, posible nga pahilawigon pa han PPCRV Command Center an kapasidad hine kutob ha 240 volunteers tikang ha presente nga 1845 volunteers.
