TACLOBAN CITY – Ginpahibaro han Samar II Electric Cooperative, Inc. SAMELCO II nga an powerline improvement, an rason han pagkakamayda schedule power interruptions ha pira nga mga bungto han Samar.
Sumala kan Dicson Bernales, Member Education Division and Supervisor of SAMELCO II, sanglit nagkamayda hin mga unscheduled power interruptions han nakalabay nga adlaw ha pira nga mga bungto han Samar ine in matungod ha ginhihimo han SAMELCO II, nga pag energize, ngan pagbalyo han mga gudti nga mga wires hin dagko, nga gin tatawag nga conducting.
Upod naman dinhe an pagbalyo han mga ruba ngan tiparuba nga mga insulators han mga poste ngan pagbuhat gihap hiton line clearing.
An line clearing in pag-iban iton mga kakahuyan ngan pagtabas hin mga sanga ngan palwa hiton lubi para ha seguridad hiton consumers, kun diin nagiging high voltage ngan conductor mangud iton mga puno nga sapit hit wire nga pwede makakuryente.
Mahinumduman han nakalabay nga adlaw han Oktubre 13, 14, ngan 16 nagkamayda power interruptions ha mga bungto han Samar.
Dugang pa han mao nga opisyal, ini nga ginbubuhat nga powerline improvement hiton SAMELCO II, in pagpapakaupay han mga linya iton kuryente ha Samar.
