-- Advertisements --
TACLOBAN CITY – Naugbaw ha sunog an usa nga poultry farm ha Kananga, Leyte kun diin dayun naman ine nga respondihan han mga otoridad.
Sumala kan Insp. Robert Espinola, Acting Municipal Fire Marshall han Kananga Fire Station, hinimo tikang ha konkreto nga mga materyales an poultry farm kun diin nahitabo an sunog.
Maabot naman ha P35,000 an estimar han kantidad han mga nasunog ha poultry farm, samtang waray pa naman nagpakabutang nga manok ha nasabi nga poultry farm han mahitabo an sunog.
Hapagyana in padayun pa naman an ginbubuhat nga imbestigasyon han nagin kawsa han sunog.
Nagpahimatngon naman ine ha publiko nga ig practice an mga fire safety measures ha panimalay man o ha mga establisyemento agud makalikay ha sunog.
