INTERNATIONAL – Umapela na gihapon an lider han Simbahang Katolika nga hi Pope Leo XIV para ha pagundang han mga trahediya dara han giyera labi na ha Middle East.
Ginbuhat han Santo Papa an panawagan ha iya Angelus address ha St. Peter’s Square dida han Dominggo, Hunyo 22.
Ini in mahuman nga pabuthan han US bombers an 3 nga nuclear sites ha Iran ha butnga han nagpapadayon nga balyuay hin strikes han Israel ngan iran.
Sumala ha Santo Papa, padayon an pangulpot han mga nakakaalarma nga notisya tikang ha Middle East labi na tikang ha Iran.
Dugang pa ni Pope Leo nga an giyera in nagpapaduroy la hin mga problema ngan nagbubuhat hin hilarum nga samad ngan kasakitan nga waray tambal.
Ha urhi in nagpahayag hin pag-laum an Santo Papa nga magbubuhat hin diplomasya an mga nasud agud maundang ngan makab-ot an kahimyang ha kalibutan, igpalabaw an paghigugma dire iton karahasan ngan madugo ngan aragway.
