INTERNATIONAL – Utro nga nahipakulob an 88-anyos nga hi Pope Francis nga nagresulta hin usa nga pasa ha iya tup nga braso pero waray naman nahipatik nga bari.
Gin kumpirma han Vatican nga ha Santa Marta residence nahitabo an insidente kun diin permi naukoy hi Pope Francis. Kumo paghirot, igin sulod la anay an braso hine ha usa nga sling.
An kahipakulob hine in kahuman han usa pa nga insidente dida han Disyembre han 2024 kun diin nasakitan an baba hine mahuman nga umigo ha nightstand han mahipakulob ine.
Manunumduman nga hi Pope Francis in mayda gin aabat nga problema ha panlawas, kaupod an chronic bronchitis ngan mga sakit ha tuhod, sanglit kaurugan ine nga nagamit hin wheelchair, walker o sungkod. Ha kaluyo hine nga ayat in pauttro-utro nga ginyayakan han Santo Papa nga waray ine plano lumusad ha pwesto.
Kasumpay hine, dida han 2013 ha kaparehas nga reson ha panlawas in nagbul-iw ha pwesto ni Pope Benedict XVI.
