TACLOBAN CITY– Magkalain-lain nga mga media practitioners dinhe ha syudad han Tacloban, an tumambong ha ginbuhat nga lecture han Commission on Population and Development (CPD) Regional Office-8, agud nga mahibaruan an importansya han ahensya ngan kun ano an kinahanglanon nga tagan hin atensyon hine.
Sumala kan Elnora Pulma, Regional Director han Commission on Population and Development Region 8, ine mangud an ira mandato nga igpahibaro ha pipira an ira mga programa ngan stratehiya kun diin ginhihimo na ine han mga localized o LGU’s.
An mao nga programa in dire dawla nakapokus ha fertility reduction o family problem kundi ha kabug-usan nga population development.
Nakakapekto gihapon ha populasyon an moratality ngan migration han kada indibidwal.
Padayun naman nga ginduduso han buhatan an paggamit han contraceptives agud mamintenar an family planning han kada pamilya.
Samtang ginklaro naman han mao nga opisyal, an ngaran han ira buhatan nga dati in kilala ha Commission on Population o (POPCOM), in mas gin tagan hin duon an gintatawag nga Commission on Population and Development (CPD).
