SPORTS–Naglalaom hi Philippine Olympic Committee (POC) Presdient Abrahan ‘Bambol’ Tolentino nga mas damo pa an madadaogan han mga Pinoy nga altelta yana nga tuig.
Ini in mahuman han maupay nga pagbuhat han nasud ha kakahuman nga ika 33 nga Southeast Asian Games.
Sumala kan Tolentino, bagaman nakahuman an Pilipinas ha ika 6 nga pweesto, an ira pagdaog ha pinakamuri nga sports in maupay nga signos hin maupay nga performance.
Gintudlok han opisyal an usa nga analysis tikang ha usa nga Vietnamese online platform kun diin 70% han mga gold medal nga nadaogan han Pilipinas in kapaerho ha Olympic Sports.
Kalkip hini an athletics nga mayada 5 ka gold, swimming nga mayada 3 ka gold, gymnastics ngay mayada 3, trialthon nga mayada 3, ngan modern pentalthon kun diin 3 ka gold an nakuha hini.
Nagin makasaysayan gihapon an pagdaog han nasud ha women’s football, men’s baseball. tennis, basketball, contact sports, ngan iba pa.
Ginduon ni Tolentino nga mas damo pa nga kompetisyon ha iba nga nasud an aapihon han Pilipinas ha masunod nga tuig ngan sigurado nga utro nga magbubuhat an mga atleta hin record ha mga igsusulod nga kompetisyon.
Pira didi an Milano Cortina Winter Olympics tikang han ika 6 kutob 22 han Pebrero, Sanya Asian Beach Games tikang han ika 22 kutob 30 han Abril, aichi-Nagoya 20th Asian Games tikang han ika 19 han Setyembre kutob ika 4 han Oktubre, ngan iba pa.
