-- Advertisements --
NATIONAL – Titikangan na han Philippine National Police an panhatag han ira performance-based bonus para ha fiscal year 2022.
Subay ha PNP, ighahatag an bonus ha maabot 214,320 nga mga police personnel.
Dugang pa, an bonus nga makakarawat han mga ine in kaparehas han 52% han ira binulan nga sweldo tikang ha Disyembre 2022.
Sugadman, an pira nga mga opisyal in dire makakakarawat hin mga bonus mahitungod han magkaduru-dilain nga rason sugad han mga kaso nga kriminal ngan administratibo ngan habubo nga rating.
Ginpahayag ni PNP Chief Police General Rommel Francisco Marbil ha mga kapulisan nga gamiton an bonus kumo encouragement nga magin makarit ha ira larangan.
