NATIONAL NEWS– Nanindugan an Philippine National Police ha publiko nga dire kaparte han ira organisasyon an Airport Police Department ng Ninoy Aquino International Airport.
Ginhimo han Pambansang Pulisya an pahayag mahuman an pagkasibak han Department of Transportation ha lima na mga airport police, matungod ha pagkakadabi ha pangingikil ha mga taxi driver ha nasabi nga paluparan.
Subay ha PNP, bulag an APD han NAIA, ha kaluyo han pagkakaparehos han mga ine nga magpatuman hin balaod.
Dugang pa hiton PNP, mayda ine kalugaringon nga mandato kun diin ginpapangunahan hine an Manila International Airport Authority.
Mababaruan, nga nabuyagyag an modus han Airport Police Department mahuman nga igsumat han usa nga driver han taxi nga syahan nag trending online matungod hiton hitaas nga pamasahe.
Dugang pa han nasabi nga driver, napiritan ine nga sumukot hin hitaas matungod nga nakikigtunga pa an mga APD.
Maabot naman ha 60/40 an pagtunga han mga ine, ngan kun dire hira magsusunod in lauman nga makaka-eksperyensa hira hiton panhaharas.
