TACLOBAN CITY — Pormal nga igin lunsar dida han nakalabay nga adlaw, Mayo 7, an programa nga PLANADO: Plan and Do Roll-out han Department of Human Settlement and Urban Development (DHSUD) ha Sinirangan Bisayas.
Sumala kan Atty. Michael Victor Tezon, Regional Director hiton Department of Human Settlement and Urban Developmenet (DHSUD) Region 8, an nasabi nga programa in may-ada unom nga key outcome pero ada hira napukos gud ha duha; amu an (1) zero backlog ha Comprehensive Land Use Plan (CLUP) ngan ha (2) Provincial Development & Physical Framework Plan (PDPFP).
Ha Sinirangan Bisayas in damo pa daw an mga Local Government Units nga waray pa han gintatawag nga Comprehensive Land Use Plan (CLUP), sanglit swerte daw an rehiyon nga nahibulig ine ha mga natagan hin pondo agud mabuligan an mga LGUs labi na an mga 4th ngan 4th class municipality mahitungod nga nagkukuri an mga ine nga makahimo hin CLUP dara han kakulangan han manpower, technical, ngan pondo.
Panuyo han nasabi nga programa nga mabuligan an mga ine ngan makabiling hin paagi agud mas magin madali an paghimo han Comprehensive Land Use Plan (CLUP) agud madagmit an mga LGUs nga maka-kompleto hine.
Dida han nakalabay nga tuig in 20 nga LGUs an zero Comprehensive Land Use Plan pero yana nga tuig in naibanan ine hin duha kun diin ada nala ine ha 18 nga mga LGUs, samtang 46% naman an for updating pa.
Para naman han mga mayda na Comprehensive Land Use Plan (CLUP) in kinahanglan daw nga ig update ine mahitungod nga na-expire ine kahuman hiton 10 katuig.
