TACLOBAN CITY– Nagin manilampuson an gindumara nga Pista ng Mapa 2023, han nakalabay nga Nobyembre 21-23 dinhe ha syudad han Tacloban.
Sumala kan Bea Santiago, Chair of Pista ng Mapa Organizing Committee, nga an panuyo han ira 3 ka-adlaw nga gindumara nga Open Mapping ngan Open for Technologist data partikular na yana nga makabag-o na an panahon, agud nga mapadagmit nga mabaruan an mga tiarabot nga kalamidad sugadman magkamayda hin access ha mga posible nga maraot nga panahon.
An nasabi nga Pista ng Mapa 2023, in ginpartisiparan han magkalain-lain nga mga indibidwal dire la dinhe ha lokal magin nationals.
Ginmalatumat naman ine nga dire limitado an Open Mapping, matungod nga dire la kalamidad an pwede ma-detect hine, pwede gihapon ine magamit ha iba pa nga mga butang han pag-access hiton mga datos.
Gintagan hin duon ni Santiago, nga imporatante nga mabaro an mga taga Tacloban kasumpay hine nga Open Mapping , matungod nga an Sinirangan Bisayas in agsob nga bisitahon hin bagyo o kalamidad.
