NATIONAL – Nadugangan pa an educational institutions nga nakiusa ha pagbantad ha Senado nga dayun tikangan an impeachment trial kan Vice President Sara Duterte.
Ha magkabulag nga pahayag, parehas gin aghat han deans han Ateneo Law Schools ngan University of Santo Tomas (UST) an Senado nga tikangan na an trial kun diin ginduon han mga ine nga constitutional duty han Senado nga aksyunan an impeachment case hin waray pagka-delatar.
Kun magtikang na daw an pagdungog han impeachment case ni VP Sara, nanawagan an mga ine ha Senado nga magpabilin nga impartial o waray papanigan ngan non-partisan agud masigurado nga ig rerespeto ngan masusunod an due process sugad han nakasurat ha Konstitusyon sugadman an patas nga proteksyon han balaod para ha respondent.
Ha online post naman han UST, gin aghat hine an Senado nga respetuhon an Konstitusyon, buhaton an ira trabaho, ngan igdayun na an trial.
Ha usa naman nga pahayag nga mayda petsa nga Hunyo 5, nagpahayag an law professors tikang ha University of the Philippines College of Law hin duro nga pagkabaraka ha mga baladunon nga ig deklara nga “de facto dismissed” an impeachment case ni Duterte.
Ine in ha butnga han nalibot nga panukala ha sulod han Senado nga igbasura han impeachment complaint kontra kan Duterte, kun diin inamin ni Senator Bato Dela Rosa nga nagtikang ha iya opisina an usa ha mga draft resolution.
