TACLOBAN CITY- Nagdurot hin kalisang an nagkahihimatay nga senior citizen kadungan ha guinbuhat nga pagpila ha Tacloban City HALL.
Guinmalatumat ni Gerald Dimasilan nga tinaglawas han Tacloban Rescue Unit (TACRU) nga upat nga senior citizen nga may pangidaron nga 71, 91, 78 ngan 75 an ira guintabang mahuman nga nagkahihimatay an mga ini mahitungod han hataas nga altapresyon.
Guinmalatumat pa ni Dimasilan nga pira han posible nga hinungdan han pagkahimatay an sobra nga kamapaso han panahon ngan sugad man waray kaon han pira nga nagpipila.
An kaparte han pamahayag ni Gerald Dimasilan nga tinaglawas han Tacloban Rescue Unit (TACRU)
Mababaruan nga sobra 300 nga mga Senior citizen an nagpila mismo ha buhatan han TaclobanCity Hall agud nga makatagamtam han Social Pension nga maiha na nga guinpapamulat han mga benepisaryo.
