-- Advertisements --
TACLOBAN CITY – Kanya kanya nala diskarte an pira nga mga studyante agud nga maibanan an kakuri ha modular learning.
Sumala kan Jake, usa nga senior high school student, nagin dako nga challenge para ha iya an syahan nga semana han pagtitikang han klase tungod damo nga adjustment an iya kinahanglan buhaton.
Usa na daw dinhi an pag intindi ha iba nira nga mga leksyon labi na iton mga subject nga nagkikinahanglan hin halarom nga discussion tikang ha teacher.
Dugang pa niya, nga nagbubuhat nala hiya hin iba nga mga pitad agud nga masolusyonan an mao nga ayat ha iya pag-aram ngan ini in pinaagi han pagbabalik balik pagbasa han ira lesson ngan kun makuri gud in natawag na ha iya maestra.
