TACLOBAN CITY- Abuyon an pira nga mga magturotdo ha syudad han Tacloban ha ginpalusad nga kamanduhan ni Vice President ngan DepEd Secretary, Sara Duterte, nga dire kompulsory an pag-uniporme han mga estudyante yana nga maabot nga S.Y. 2022-2023.
Sumala kan Harold Naputo, Assistant Principal Rizal Central School, nga magsusunod hira ha magigin kamanduhan han labaw, ngan hapagkyana in naghuhulat nala hira hin opisyal nga dokumento kasumpay ha mao nga kamanduhan.
Dugang pa han mao nga opisyal, nga ine in makakabulig ha mga kag-anak nga waray igparalit hiton uniporme, matungod mangud ha nagin epekto hiton COVID-19, ngan damo nga mga indibidwal an nawarayan hin trabaho.
Mababaruan nga ka-kulop, in nagpalusad hin kamanduhan an ika-duha na presidente han Pilipinas ngan sugadman presente nga DepEd Secretary nga dire pugson an mga kag-anak sugadman an mga estudyante nga magsul-ot hin uniporme ha pagbalik han ira face-toface classes.
Sugadman nagpatapod naman ine nga masuporta an ira eskwelahan, ha tanan mga igpapatuman nga kamanduhan han IATF kontra COVID-19, ngan iba pa nga mga panibag-o nga igpapatuman para ha katalwasan han mga estudyante yana nga pag-abre hiton in person classes.
