TACLOBAN CITY – Gin aksyunan na han Committee on Transportation an mga reklamo han pira nga mga manarakay kasumpay han mga MCH drivers nga doble kun manukot ha mga manarakay nga napakadto han Sangyawan Grounds.
Sumala kan Hon. Leo Bahin, City Councilor ngan Presidente hiton Committee on Transportation han Tacloban City, mayda pira han mga MCH drivers an doble o sobra pa kun manukot ha mga manarakay nga napakadto ha Sangyawan Grounds kada gab i.
Tag P50 kada duha nga pasaheros ngan P20 naman kun usa la an gin aaro nga pasahe han mga abusado nga MCH drivers ha mga manarakay nga napadurayhag ha Sangyawan Grounds.
Dayun naman ine nga gin aksyunan han mao nga opisyal kun diin pinaagi han TOMECO, ngan BPLD in nagdumara hin operasyon an nasabi nga mga ahensya para manginano han mga MCH drivers, kun nagsusunod ba an mga ine ha panukot han gintugot la nga pamasahe ha syudad nga P12.
Dugang pa hine, kadak-an daw nga nagbubuhat han panukot hin sobra nga pasahe in amu an mga parag-tricyle nga dire rehistrado.
