TACLOBAN CITY – Magkakaiba an reaksyon han pira nga mga anay magbaralaud ha Sinirangan Bisayas kasunod han pagbabag-o han liderato han Senado.
Una hini, kakulop nga adlaw lumusad ha pwesto hi anay Senate President Migz Zubiri ngan ginbalyuan ini ni Senator Francis Chiz Escudero.
Sumala kan anay Samar 1st District Rep. Edgar Mary Sarmiento, klaro ha nagging speech ni Zubiri nga nakaabat ini hin pressure nga possible mahitungod ha mando ha iya nga waray niya kasunod.
Ini in possible may kalabutan ha pagtipa hini ha People’s Initiative sugadman an mabug-at nga isyu bahin han imbestigasyon han PDEA leaks nga nagdadabi ha ngaran ni Presidente Bongbong Marcos Jr.
Ha kaluyo hini in naglalaum naman hi Sarmiento nga magpapabilin ngan maprepreserba an independence han Senado ha ilarom han liderato ni Senator Chiz Escudero kumo Senate President.
