TACLOBAN CITY – Nagpapatuman na gihapon hin blended learning an pira nga mga iskuylahan ha syudad sugad hiton Leyte National High School ngan North Hill Arbours Integrated School kumo pag likay ha kaduro nga kapaso han panahon.
Sumala kan Harold Naputo, School Head hiton North Hill Arbours Integrated School, pagtikang hiton alas-10:30 hiton aga in nagtitikang na hira ha pag pauli han mga kabataan dara an ira mga modules agud ha ira tagsa-tagsa nala nga balay igpadayon an mga ine.
Igpapadayon naman han mga ine an ira diskusyon han iba pa nga subjects nga waray han mga kabataan ka-admi ha masunod nga adlaw.
Mahitungod han kapaso ngan kahitaas han heat index nga nahipapatik ha rehiyon in nagpatuman na an pira nga mga iskuylahan hin alternative delivery mode agud maipadayon an mga klase sugad nala hiton blended learning ngan online classes.
