-- Advertisements --
TACLOBAN CITY — Utro nga nagpahimatngun ha publiko an buhatan han Bureau of Fisheries and Aquatic Resources (BFAR) ha sinirangang bisayas nga diri la anay kumaon hin bisan anu nga klase hin shellfish.
Ini in mayhitungod nga nagpapabilin la gihapon nga apektado han red tide an pira nga mga baybayon han rehiyon.
Basar ha pinakalatest nga laboratory result han BFAR nga positibo la gihapon ha paralytic shellfish poison an baybayon han Irong-irong Bay, Maqueda Bay ngan baybayon han Isla han Daram ha Western Samar, Matarinao Bay ha Eastern Samar ngan Carigara Bay ha Leyte.
Sugad man ginklaro naman hini nga talwas naman nga kumaon hin iba nga mga lamang dagat sugad nala han isda, pasayan ngan masag basta ini in presko ngan lilimpyohan hin maupay.
