TACLOBAN CITY- Nagpapabilin pa na positibo ha red tide an magkadirudilain na parte han Sinirangan Bisayas.
Ini in may kalabutan han Shellfish Bulletin No. 43 na guinpagawas han Bureau of Fisheries and Aquatic Resources (BFAR) Regional Office 8.
Sumala kan BFAR Director Eduardo B. Gongona na nagpapabilin la guihapon na apektado han red tide an Coastal waters han Daram Island, Cambatutay bay, Irong-irong bay, Maqueda ngan Villareal Bays ha Western Samar; Matarinao bay ha Eastern Samar, Carigara bay ha Leyte ngan kadagatan han Leyte, Leyte.
May kalabutan hihi, mahugot na guindidiri an pagkuha, pagbaligya ngan pagkaon hin mga shellfish na tikang ha mao na kadagatan para ha katalwasan han mga kunsumidor.
Manunumduman na damulaay na an nagkahihiluan ngan nagkamatay na nakakaon hin pangtion na apektado hin red tide ha magkadirudilain na parte han Sinirangan Bisayas.
