TACLOBAN CITY – Ginlalauman nga mahuhuman an paghingayad hiton Phase 1 han Daniel Z. Romualdez Airport, ha sulod hiton duha kabulan.
Sumala kan Atty. Buenaventura “Junie” Go-Soco, Representative Private Sector EV Regional Development Council, ngan Former NEDA Vlll Regional Director, nga duha na ka tuig nga nadelatar an panhingayad hine, ngan dire nakaka-abante ha Phase 2, ngan matungod ha pagkadelatar in humitaas gihapon an nagamit hine nga salapi, kun diin umabot ine ha sobra P1.5B tikang ha P1.2B.
Dugang pa hine, nga bisan man duro na kadelatar ngan duro na nga nauurhi ha schedule an nasabi nga paghingayad, in gintatalainguha nga mahuman ine ha napagkasaragbutan nga petsa.
Hapagkayana, in duha na nga kontraktor iton nagbubuhat hin simultaneous ngan padayon nga pagtrabaho para ha Phase 1 ngan 2 agud nga mapadagmit iton panhingayad han nasabi nga paluparan.
